रुकुम पूर्व / रुकुम पूर्व पुथाउत्तरगङ्गा गाउँपालिका–१२ गर्खानीका एक किशोर बेपत्ता भएका छन् । पुथाउत्तरगङ्गा–१२ गर्खानीका बुबा जगतप्रसाद पुन र आमा मोहोन पुनका छोरा १६ वर्षीय विज्ञान पुन एक हप्ता देखि बेपत्ता भएका हुन् ।
परिवारको अन्य सदस्य काममा गएको बेला किशोर घरबाटै कता गएको भन्ने कसैलाई जानकारी नभएको परिवारले बताएका छन् । किशोरको मानसिक अवस्था घुमेको करिब १ वर्ष भइसकेको परिवारले जनाएको छ । किशारलाई गाउँ आसपासका ठाउँमा खोज्दा पनि नभेटेपछि परिवारले सबैलाई खोजीकार्यमा सहयोग गरिदिन आग्रह गरेका छन् ।
परिवारले किशोरलाई कसैले भेटाए प्रहरी चौकी अथवा परिवारको फोन नम्बर ९८४११०३८६८ र ९८६६९६६४२० मा सम्पर्क गर्नु हुन अपिल गरेका छन् ।
भावना शर्मा । २६ भाद्र २०७९, आईतवार १२:०६