सुर्खेत /जुम्लाको कनकासुन्दरी गाउँपालिका– १ बुलबुलेमा सुर्खेतबाट मुगु तर्फ जादै गरेको लु १ ज ३७५४ को बोलेरो जिप अहिले विहान ६:३० बजे मुगु जुम्ला सिमाना बुलबुले स्थित मैपानेमा  दुर्घटना भएको छ । दुर्घटनामा एक जना को घटनास्थलमै मृत्यु भएको छ ।
मृत्यु हुनेमा छायानाथ रारा नगरपालिका २ मुगुका दीपक तिरुवा रहेका छन् ।  बेक्र फेल भएर दुर्घटना भएको जिल्ला प्रहरी कार्यालय जुम्लाका प्रमुख नरेन्द्रचन्दले बताए । चालक दल बहादुर बुढा घाईते भएको खबर प्राप्त भएको छ ।  उनी  कानकासुन्दरी गाउँपालिका १ जुम्लाका हुन्। उनलाई प्रतिष्ठान जुम्लामा ल्याउने तयारी भइरहेको छ। गाडीमा ५ जना यात्रु सवार थिए। अरु सकुशल रहेका छन् ।