!!!!गजल !!!
लादैछस आमालाई यति धेरै प्यार गरेर ।
तैले के पाइस दैब म माथी अत्याचार गरेर ।

न त खुशी नै दिइस न त रुन नै दिइस,
कसरी मुस्कुराउन सकिस मुटुमा प्रहार गरेर ।

प्राण प्यारी आमालाई मृत्युशैयामा राखेको छु
बिज्ञान पनि हार्यो उपचारमा इन्कार गरेर ।

सिङ्गो जिन्दगी दुखमै बित्यो आमाको यहाँ
मेरो जिन्दगी पनि राखिदिइस लाचार गरेर ।

कति सपनाहरु अधुरै होलान पूरा नहोलान,
सकिएन साकार पार्न अहिले हतार गरेर ।।

मदराज शाही “बिबश अकेला”
मान्म-८ ताडी कालिकोट ।