जापान/कबड्डी ४ की अभिनेत्री मिरुना मगरविरूद्ध काठमाडौँका विभिन्न चोकहरुमा प्रदर्शन भएको छ । आफूमाथि दुव्र्यवहार गरेको भन्दै एक भिक्षुमाथि आरोप लगाएर थप्पड समेत हानेकी मगरविरुद्ध काठमाडौँका विभिन्न चोकहरुमा प्रदर्शन भएको हो ।
आज (मंगलबार) बिहान १० बजेदेखि त्यहाँ प्रदर्शन भइरहेको छ । उनीहरुले अभिनेत्री मगर विरुद्ध नाराबाजी गर्दै सो घटनामा पक्राउ परेका भिक्षु २४ वर्षीय फुर्वा तामाङ (लामा) लाई रिहा गर्न समेत माग गरेका छन् । साथै अभिनेत्री मगरलाई सार्वजनिक रुपमा माफी माग्न समेत माग गरेका छन् ।
कबड्डी ४ फिल्मको प्रोमोसनमा जाँदा अभिनेत्री मगरमाथि दुर्व्यवहार गरेको भन्दै आइतबार मुगु घर भएका लामालाई प्रहरीले पक्राउ गरेको थियो । अभिनेत्री मगरले लामामाथि थप्पड समेत हानेकी थिइन् । लामाले भने आफूले अभद्र व्यवहार नगरेको भन्दै विरोध गरेका छन् । उनको समर्थनमा प्रदर्शन भएको हो । प्रदर्शनकारीहरूले  कबड्डी ४ फिल्मकाे पोष्टर समेत जलाएका छन् ।