कालिकोट/वैशाख ३० गते हुने स्थानीय निर्वाचनका लागि उम्मेदवारी दर्ता सुरू भएको छ।
निर्वाचन आयोगका अनुसार बिहान १० बजेदेखि उम्मेदवारी दर्ता सुरू भएको छ।
उम्मेदवारी दर्ता गराउन अहिले उम्मेदवारहरू निर्वाचन अधिकृतको कार्यालय पुग्न थालेका छन्।
खाँडाचक्र नगरपालिकामा नेपाली काँग्रेसको तर्फबाट तारा शाहा(शाही)ले उम्मेदवारी दर्ता गर्न बाजागाजासहित र्‍याली निकालेका छन्।
गठबन्धनको तर्फबाट खाँडाचक्र नगरपालिकामा नेपाली काँग्रेसको भागमा भए पनि नेपाली काँग्रेसले आफ्नो नगर-प्रमुख र उप-प्रमुखमा उम्मेदवारी दर्ता गराएका छन् ।
नगर-प्रमुखमा तारा शाहा(शाह) र उप-प्रमुखमा नेत्र बहादुर शाहीले उम्मेदवारी दर्ता गराएका छन् ।
खाँडाचक्र नगरपालिका वडा-३मा देवनारायण पाण्डे र वडा-४मा भानुभक्त शर्माले अध्यक्ष पदमा उम्मेदवारी दिएका छन् ।