कालिकोट/नेकपा(एकीकृत समाजवादी)महावै गाउँ पालिकाले बैशाख ३० मा हुने स्थानीय तह निर्वाचनमा उपाध्यक्ष पदका लागि दुई जनाको नाम सिफारिस गरेको छ ।
सो पार्टीले हाल महावै गाउँ पालिका वडा-५ का वडा अध्यक्ष तथा पार्टीको जिल्ला कमिटी सचिवालय सदस्य धर्मराज शाही र जिल्ला कमिटी सचिवालय सदस्य एवम् गायीका जर्मकला सिंहलाई उपाध्यक्षमा सिफारिस गरेको हो ।
केन्द्रमा सत्ता गठबन्धनले तय गरेको मापदण्डअनुसार अघिल्लो स्थानीय चुनावको परिणामका आधारमा महावैमा एकीकृत समाजवादीले उपाध्यक्ष सहित ३ वटा वडा पाउने सम्भावना रहेको एकीकृत समाजवादी महावैका सह इन्चार्ज सुजनकुमार शाहीले जानकारी गराउनुभयो ।
जम्मा ७ वटा मात्रै वडा रहेको महावैमा अघिल्लो निर्वाचनमा एमालेले उपाध्यक्ष सहित २ वटा वडा अध्यक्ष र ३ जना थप कार्यपालिका सदस्य जिताएको थियो । यसैगरी वडा नम्बर २ मा जाँतो चिन्ह लिएर निर्वाचित वडा अध्यक्ष गौंकला सिंह समेत निर्वाचित हुनासाथ एमाले भएर हाल एमाले बिभाजित हुँदा एकीकृत समाजवादीको पक्षमा उभिनु भएको छ ।
२ सय ५८ मत ल्याएर आफुसहित आफ्नो पुरै प्यानल वडा अध्यक्ष जिताउन सफल शाही र गायीका एवम् पार्टीमा लामो समय त्याग्न योगदान दिनु भएकी नेतृ सिंह दुबै जना मध्ये कुनै एक जना बिना गठबन्धन चुनावी मैदानमा गएको खण्डमा समेत लोकप्रिय मत पाएर पार्टीको प्रतिष्ठा बचाउन सक्ने बताइएको छ ।