कालीकाेट/कर्णाली प्रदेश ०२ख०१६२ नम्बरकाे मिनि बस कर्णाली करिडोर अन्तर्गत पचालझरनाको लाफामा मिनि बस दुर्घटना हुँदा दुईजना घाइते र एकजना बेपत्ता भएका छन् ।
आज दिउँसो साढे ३:०० बजेकाे समयमा मिनि बस दुर्घटना भएको हो ।
लालिघाट देखि लाफा तर्फ जाँदै गरेकाे मिनि बस सडक देखि अन्दाजी १५ मिटर कर्णाली नदिमा खसेकाे जिल्ला प्रहरी कार्यालय कालीकाेटका सुचना अधिकारी एवं प्रहरी निरिक्षक भुपेन्द्र शाहिले जानकारी दिए ।
उक्त बस दुर्घटना हुँदा चालक दैलेखकाे आठविस नगरपालिका-२ का कृष्ण बहादुर शाही भने गम्भीर घाइते भएका छन् ।
यात्रु पचाल झरना गाउँपालिका-८ कि १५ बर्षिया सलानि सार्की घाइते भएकि छन् भने यस्तै सह-चालक रास्काेट नगरपालिका-१ का १९ बर्षिया जीवन बहादुर शाहि कर्णाली नदिमा बेपत्ता भएको शाहिले बताए ।