कालिकाेट : जिल्लाकाे खाँडाचक्र नगरपालिकामा नगरपालिका स्तरिय भेला तथा सम्मेलन समाजवादी निकट विद्यार्थी संगठन अखिल नेपाल राष्ट्रिय स्वतन्त्र विधार्थी युनियन (अनेरास्ववियू) खाँडाचक्र नगर कमिटी कालिकोटकाे आयाेजकमा मान्ममा सम्पन्न भएकाे छ ।सम्मेलनबाट सर्वसम्मत निर्वाचित अध्यक्षमा महेन्द्र शाही,उपाध्यक्षमा जिवन विक र सुदेश शाही,महिला उपाध्यक्षमा वविता शाही,सचिवमा मुना चौलागाई,सह-सचिवमा दिपेन्द्र विष्ट, जनम शाही र दिव्या शाही सहितको ६१ जनाको नगर कमिटी अनेरास्ववियूका केन्द्रीय स्थाई कमिटी सदस्य हिक्मत जंग मल्लले घोषणा गरेका छन् ।

कार्यक्रमका प्रमुख अतिथि समाजवादी पार्टीका केन्द्रीय सदस्य तथा जिल्ला इन्चार्ज कुर्मराज शाही, विषेश अथिति पार्टी अध्यक्ष विश्वराज बम, उपाध्यक्ष चित्रसिंह गाउले र कमल शाही सहित अनेरास्ववियू केन्द्रीय सचिवालय सदस्य तथा जिल्ला अध्यक्ष अमित मिलन शाही तथा लक्ष्मण शाहीको उपस्थितिमा कार्यक्रम भएको हो ।

खाँडाचक्र नगरपालिका ११ वडाका विभिन्न तहबाट १ सय २५ जना विद्यार्थीको सहभागिता रहेको थियो । सो भेलाले अबको कार्यदिशा शैक्षिक अधिकार र विद्यार्थी आन्दोलन तय गरेको छ । नगरपालिकाका माध्यमिक तह, प्राविधिक क्षेत्र, क्याम्पसमा प्रारम्भिक कमिटी ७ दिनभित्र गठन गर्न नेता हिक्मतजंग मल्लले सर्कुलर जारी गरेका छन् ।

उक्त भेलामा नेकपा एमाले निकट अनेरास्ववियू परित्याग गरी जनम शाही,किरण पाण्डे, रोमन परिवार र नेविसंघ परित्याग गरी अविस्कार सन्ज्याल, राजेन्द्र परियार लगाएतका दर्जनौँ विद्यार्थीहरु समाजवादी अनेरास्ववियूमा आवद्ध भएका छन् ।

समावेशीतालाई मध्यनजर गर्दै वरिष्ठ उपाध्यक्षमा दलित र सचिवमा महिलाको प्रतिनिधित्व रहने गरी गठन गरिएको सभा अध्यक्षसमेत रहेका विद्यार्थी नेता रमेशविक्रम शाहीले बताए । अनेरास्ववियूका केन्द्रीय स्थाई कमिटी सदस्य हिक्मत जंग मल्लका अनुसार खेलकुद तथा रचनात्मक विभाग प्रमुखमा केशव शाही निर्वाचित भएका छन् ।