काठमाडौं /नेकपा एमाले नरहरिनाथ गाउँपालिका नेता कार्यकर्ताले नेकपा एकीकृत समाजवादी पार्टीमा प्रवेश गरेका छन् ।
नेकपा एकीकृत समाजवादी पार्टी नरहरिनाथ गाउँपालिकाको संगठन निर्माण गर्ने क्रममा एमाले परित्याग गरेर एक दर्जन भन्दा बढी कार्यकर्ताले प्रवेश गरेका हुन् ।
नेकपा एकीकृत समाजवादी कालिकोट जिल्ला सह-इन्चार्ज तुलाराज सिम्खडाको प्रमुख आतिथ्यता,पार्टी अध्यक्ष विश्वराज बम,उपाध्यक्ष चित्रसिंह गाउँले,गाउँपालिका इन्चार्ज धिर बहादुर विष्ट,उप-सचिव दानबहादुर सहकारी ,निर्वाचन क्षेत्र (ख) अध्यक्ष अग्र बहादुर बोगटी लगाएत नेता कार्यकर्ताहरुको सहभागीता रहेको थियो ।
नरहरिनाथ गाउँकमिटी अध्यक्ष गंग बहादुर बुढाको अध्यक्षतामा तेस्रो पुर्ण बैठक सम्पन्न भएको पार्टी स्रोतले बतायो ।