नेता विधानको वकालत गर्छ,जनता धान सम्झन्छ।
नेता पार्टीको बखान गर्छ, जनता जहान सम्झन्छ।।

नाङ्गो शरीर भोको पेटको मागले सडक तताउँदा,
सरकार धरपकट गर्छ, जनता सम्मान सम्झन्छ।।

रोगभोग,शोक,अभाव र लगावका बिन्ती चढाउँदा,
नेता सदा अपमान गर्छ ,जनता मतदान सम्झन्छ।।

एक प्याकेट नुनको लागि मात्र सधैं सदरमुकामको,
नेता सिफारिस गर्छ, जनता संविधान सम्झन्छ।।

अनियमितता केवल अन्जानले मात्र भएको भन्दै,
नेता ढाकछोप गर्छ, जनता जानाजान सम्झन्छ।।

खड्गबहादुर शाही खाँडाचक्र नगरपालिका ६ कालिकोट