काठमाडौँ। पुष्पलाल जन्मशताब्दीका अवसरमा विचार गोष्ठि कार्यक्रम सम्पन्न भएको छ।
शनिबार ललितपुरको लगनखेल स्थित नेपालबार एशोसिएनको हलमा सम्पन्न विचार गोष्ठिमा ‘नेपालको परराष्ट्र नीतिमा पुष्पलालको योगदान र पुष्पलालका फरक कृतिहरूको समिक्षा’ बारे कार्यपत्र पुस्तुत गरिएको थियो।
क्रमशः हिरण्यलाल श्रेष्ठ र मधुकर तुलाधरले कार्यपत्र प्रस्तुत गर्नु भएको थियो। ‘परराष्ट्र नीतिमा पुष्पलालको योगदान’ माथि नेकपा (एकीकृत समाजवादी) का उपमहासचिव जगन्नाथ खतिवडा र एमालेका युवा नेता विष्णु रिजालले टिप्पटी मन्तव्य राख्नु भएको थियो। त्यस्तै कृतिहरूको समिक्षामाथि त्रिवि राजनीतिशास्त्रका उपप्रध्यापक अर्जुन ध्वज अर्याल र रामबहादुर भण्डारीले मन्तव्य राख्नु भएको थियो।
प्रगतिशील बुद्धिजीवि समूहकाले आयोजना गरेको कार्यक्रममा वामवन्थी नेता वामदेव गौतम प्रमुख अतिथिका रुपमा उपस्थित हुनुहुन्थ्यो। कार्यक्रममा पुष्पलाको राजनीतिक जीवन र नेपाली कम्युनिष्ट आन्दोलनको ध्रुविकरणका बारेमा घनिभूत छलफल भएको आयोजकले जानकारी दिएको छ। वामपन्थी चिन्तक गोपीरमण उपाध्यायलगायतका व्यक्तिहरूको उपस्थितिमा उक्त कार्यक्रम सम्पन्न भएको हो।
दियो खबर । १४ माघ २०८०, आईतवार १०:२६