काठमाडौँ। कलाकार विजय केसी र जुना कार्कीको अभिनय रहेको ‘मिनी बसैमा’ बोलेको लोक तथा दोहोरी गीत बजारमा आएको छ।

हेमराज योगीको लय÷शब्द रहेको गीतिमा राज कुमार र अरुण मगरको सुमधुर आवाज रहेको छ। सञ्जय श्रीपाइलीको संगीत संयोजन रहेको गीतको म्युजिक भिडियोको निर्देशन दिनेश सिंह ठकुरीले गरेका छन्।

सरोज शाहीले गीतका दृश्यहरू क्यामेरामा कैद गरेका हुन् भने निराजन केसीले म्युजिक भिडियो सम्पादन गरेका हुन्। गीतमा प्रेम विषयलाई केन्द्रविन्दुमा राखिएको निर्माण पक्षले जानकारी दिएको छ।

यसअघि सर्जक योगीको ‘सरी मायालु, आमा, पिरतीको माला, मौरी घुम्यो फूलको रसैमा लगायत गीतहरू बजारमा छन्।