काठमाडौँ। विश्वकप क्रिकेटको फाइनल आइतबार भारतको अहमदावादमा हुँदैछ र यो पल्ट फाइनलमा घरेलु टोली भारत र अष्ट्रेलियाले प्रतिस्पर्धा गर्दैछन्।

फाइनल जित्ने टिमले विश्वकप ट्रफीका साथै मोटो रकम नगद पुरस्कार पाउने छ। यो पल्ट विश्वकप जित्ने टिमलाई ४० लाख अमेरिकी डलर अर्थात् ५३ करोड ३० लाख नेपाली रुपैयाँ बराबर नगद पुरस्कार पाउने छ। उपविजेता टिमले २० लाख डलर अर्थात २६ करोड ६५ लाख नेपाली रुपैयाँ बराबरको पुरस्कार पाउने छ।

सेमिफाइनलमा पराजित भएका न्यूजिल्याण्ड र दक्षिण अफ्रिकाले ८.८ लाख डलर अर्थात् १० करोड ६६ लाख रुपैयाँ नगद पाउने छन्। समूह चरणबाटै घर फर्केका ६ टिमले भने १/१ लाख डलर १ करोड ३३ लाख नेपाली रुपैयाँ पाउने छन्। यसका साथै लिग चरणमा हरेक टिमले एक जितको ५३ लाख ३० हजार रुपैयाँ पाउने छन्।