सुर्खेत : वीरेन्द्रनगर नगरपालिका–३ मुलपानीचोकबाट लागूऔषध ब्राउन सुगर सहित दुई जना पक्राउ परेका छन् । पक्राउ पर्नेमा वीरेन्द्रनगर नगरपालिका ३ का ३१ वर्षिय बिबेक गिरी र सोहि ठाँउमा बस्ने १७ बर्षिय रोशनी वली रहेका छन् ।
उनिहरुलाई आईतबार प्रहरी चौकी बाङ्गेसिमलबाट खटिएको ५ जनाको प्रहरी टोलीले भुरेलीबाट मुलपानीचोक सम्म भे ९ प ३६५ न. को स्कुटिमा आएको बेला पक्राउ गरेको हो ।
उनिहरुबाट खैरो धुलो पदार्थ नापतौल नगरेको २ पुडिया लागूऔषध ब्राउन सुगर अर्काे व्यक्तीलाई दिने क्रममा बरामद गरिएको हो । दुबैजनालाई आबश्यक अनुसन्धानको लागी जिल्ला प्रहरी कार्यालय सुर्खेतमा राखिएको प्रहरीले जनाएको छ ।
दियो खबर । २५ असार २०८०, सोमबार १२:२०