सुर्खेत /बाजुरामा भूकम्पका कारण एक महिलाको मृत्यु भएको छ । भूकम्पसँगै माथिबाट खसेको ढुङ्गा लागेर जिल्लाको गौमुल गाउँपालिका-२ जुरेलीमा करिब ३५ वर्षीकी जमुना रोकायाको मृत्यु भएको जिल्ला प्रहरी कार्यालय बाजुराले  बताएको छ ।
घरनजिकैको जंगलमा घाँस काट्ने बेला माथिबाट ढुङ्गाले किचेर उनको घटनास्थलमै मृत्यु भएको जिल्ला प्रहरी कार्यालय बाजुराका प्रमुख प्रहरी नायब उपरीक्षक सूर्य थापाले बताए । अहिले प्रहरी घटनास्थलतर्फ गइरहेको छ ।
आज दिउँसो २ बजेर ४३ मिनेटमा बाजुराको मेला केन्द्रबिन्दु भएर ५.९ रेक्टर स्केलको भूकम्प गएको थियो । अहिले सम्म जिल्लामा २५ घरमा क्षति पुगेको विवरण प्राप्त भएको डीएसपी थापाले बताए ।

कर्णाली प्रदेशको जिल्लामा हरुमा पनि भुकम्प गएको छ।