सुर्खेत /जुम्ला  जिल्ला पातारासि गाउँपालिका वडा-६ उथ्र्रु नजिकै कोटाभिडमा जीप दुर्घटना हुँदा एक जनाको मृत्यु भएको छ ।पातारासि गाउँपालिका वडा-१ निवासि ४२ बर्षकि छोजुङ्ग लामाको घटना स्थलमै मृत्यु भएको  प्रहरीले जनाएको छ ।

जुम्ला बजार देखि पातारासिको लासिसम्म जादै गरेको ग १ ज ४०३५ नम्बरको जीप दुर्घटनामा परेको जिल्ला प्रहरी कार्यालय जुम्लाका सूचना अधिकारी यम वहादुर बुढामगरले जानकारी गराउनु भयो । घाइते सबैलाई उपचारका निम्ति कर्णाली स्वास्थ्य विज्ञान प्रतिष्ठानमा ल्याईएको उहाँको भनाइ छ ।जीपमा चालक सहित १६ जना सवार रहेका थिए ।ति मध्ये १४ जना घाइते भएको र १ जनाको अवस्था गम्भिर रहेको जिल्ला प्रहरी कार्यालय जुम्लाका सूचना अधिकारी बुढामगरले बताए । चालक भने फरार रहेकाले खोजि कार्यजारी जारी छ। जि जीप ब्याक गर्ने क्रममा सडकबाट झण्डै ५० मिटर तल तिला नदीमा खसेको थियो ।