सुर्खेत /जुम्ला  जिल्ला पातारासि गाउँपालिका वडा-६ उथ्र्रु नजिकै कोटाभिडमा जीप दुर्घटना हुँदा एक जनाको मृत्यु भएको छ ।पातारासि गाउँपालिका वडा-१ निवासि ४२ बर्षकि छोजुङ्ग लामाको घटना स्थलमै मृत्यु भएको  प्रहरीले जनाएको छ ।

जुम्ला बजार देखि पातारासिको लासिसम्म जादै गरेको ग १ ज ४०३५ नम्बरको जीप दुर्घटनामा परेको जिल्ला प्रहरी कार्यालय जुम्लाका सूचना अधिकारी यम वहादुर बुढामगरले जानकारी गराउनु भयो । घाइते सबैलाई उपचारका निम्ति कर्णाली स्वास्थ्य विज्ञान प्रतिष्ठानमा ल्याईएको उहाँको भनाइ छ ।

जीपमा सवारहरुको संख्या पनि एकिन नभएको बुढामगरले बताए।