रुकुम पश्चिम / रुकुम पश्चिमको छ वटै स्थानीय तहमा कृषि मेला प्रर्दशनी सम्पन्न भएको छ । सोमबार जिल्लाको आठबिसकोट नगरपालिकामा कृषि मेला प्रदर्शनी सम्पन्न भएसँगै जिल्लाका सवै पालिकाहरुमा कृषि मेला प्रदर्शनी सम्पन्न भएको हो ।

कृषि विकास कार्यालयको आयोजनामा सम्पन्न भएको पालिका स्तरिय कृषि मेलाको जिल्लाका करिव दश हजार कृषकहरुले अवलोकन गरका छन । कृषि विकास कार्यालयका निमित्त प्रमुख मिनबहादुर केसीका अनुसार मेलाको अवसरमा १ सय ५३ जना कृषकहरु सम्मान गरिएको छ । कृषि मेलामा विभिन्न ६ वटा विधा अन्तर्गतका कृषि बाली उत्पादनहरु प्रदर्शनीमा राखिएको थियो भने उत्कृष्ट कृषकहरुलाई पुरस्कार प्रदान समते गरिएको थियो ।

कृषि विकास कार्यालयका अनुसार निर्वाहमुखी कृषिबाट व्यावसायिक कृषि पेशामा लाग्न उत्प्रेरित गर्ने र कृषि पेशालाई प्रवर्द्धन गर्न उद्देश्यले मेला प्रदर्शनी राखिएको हो ।