रुकुम पश्चिम / रुकुम पश्चिमको आठबिसकोट नगरपालिका वडा नम्बर १० का एक युवकको अमेरिका जाने क्रममा मृत्यु भएको छ ।

अवैध रुपमा अमेरिका छिर्न लागेका आठबीसकोट १० मदन शाहीको पानामाको जंगलमा मृत्यु भएको हो । शाहीको डिसेम्बर ११ अर्थात गत मंसिर २५ गते नै मृत्यु भएको थियो ।

खोला तर्ने क्रममा मदनको बगेर ज्यान गएको तर मृत्युको जानकारी ढिलो गरी पाएको मदनको परिवारले जानकारी दिएको छ । परिवारका अनुसार खोला तर्नका लागि खोलामा राखिएको डोरी चुँडेर मदनको मृत्यु भएको हो ।