रुकुम पश्चिम / रुकुम पश्चिमको बाफिकोट गाउँपालिका वडा नम्बर ४ छिनखेतमा कृषि प्रदर्शनी मेला सुरु भएको छ । बाफिकोट गाउँपलिका अध्यक्ष जनककुमार बाठाले बिहिबार एक कार्यक्रम बिच कृषि प्रदशनी मेलाको उद्घाटन गर्नुभएको हो ।

कृषि मेलामा बाफिकोट गाउँपालिका १०वटै वडाका कृषकको सहभागी रहेको थियोे । जिल्ला कृषि बिकाश कार्यलयको आयोजनामा कृषि मेला आयोजना गरिएको हो ।
निर्वाहमुखी कृषिबाट व्यावसायिक कृषि पेशामा लाग्न उत्प्रेरित गर्ने र कृषि पेशालाई प्रवर्द्धन गर्न उद्देश्यले मेला प्रदर्शनी कार्यक्रम राखिएको कृषि बिकाश कार्यालयले बताएको छ ।