सुर्खेत/आजदेखि कालीकोटमा प्रथम कालीकोट टी-२० पुरुष क्रिकेट प्रतियोगिता सुरु हुँदैछ। माघ १६ देखि १९ गतेसम्म सञ्चालन हुने यस प्रतियोगिता आगामी फागुन २५ गते लुम्बिनी प्रदेशमा हुने प्रधानमन्त्री पुरुष कपलाई लक्षित गरी आयोजना गरिएको हो।

जिल्ला क्रिकेट संघ, कालीकोटका अनुसार प्रतियोगिताले कर्णाली प्रदेशमा क्रिकेटको विकासमा टेवा पुर्याउनुका साथै कालीकोटलाई खेलकुदमार्फत चिनाउने लक्ष्य राखेको छ। विजेताले नगद २० हजारसहित ट्रफी, मेडल र प्रमाणपत्र प्राप्त गर्नेछन् भने उपविजेताले १० हजारसहित ट्रफी, मेडल र प्रमाणपत्र पाउनेछन्। प्लेयर अफ द म्याच, प्लेयर अफ द सिरिज र ईमर्जिङ प्लेयरलाई समेत नगद पुरस्कार प्रदान गरिनेछ।

जिल्लामा पहिलो पटक आयोजना गरिएको खुल्ला टी-२० क्रिकेट प्रतियोगिताले स्थानिय खेलाडीहरूलाई उत्कृष्ट प्रदर्शन गर्ने अवसर दिने आयोजक समितिले जनाएको छ।