कालिकोट/खाँडाचक्र नगरपालिकाको भवन निर्माणका क्रममा भत्किएको सडकको मर्मतका लागि नगर विकास कोषका कार्यकारी निर्देशक विनोद प्रकाश पण्डित र नगर प्रमुख कमल बहादुर शाहीबीच सहमति भएको छ।

नगर प्रमुख शाहीले नगर भवन निर्माणको क्रममा सडक भत्किएको स्वीकार गर्दै तत्काल मर्मत कार्य अघि बढाइने बताए। उनले भने, “स्थानीयबासीलाई परेको असुविधा चाँडै हट्छ। सडक पुनर्निर्माणमा नगरपालिका पूर्ण रूपमा प्रतिबद्ध छ।”

नगर विकास कोषका कार्यकारी निर्देशक पण्डितले आवश्यक परेमा कोषले आर्थिक तथा प्राविधिक सहयोग गर्ने प्रतिबद्धता व्यक्त गरे। उनले भने, “नगर विकास कोष नगरपालिकासँग सहकार्य गरेर काम गर्न तयार छ। दिगो र व्यवस्थित विकास हाम्रो प्राथमिकता हो।”

सहमति अनुसार नगरपालिकाले आवश्यक प्रक्रिया अघि बढाएर छिट्टै सडक मर्मत कार्य सुरु गर्ने नगर प्रमुख कमल वहादुर शाहीले वताए।