कालिकोट /नेकपा (एकीकृत समाजवादी) कालिकोटले जिल्ला अधिवेशन रास्कोटमा गर्ने निर्णय गरेको छ। पार्टी कार्यालय मान्ममा शुक्रबार बसेको बैठकले चैत ३० गते अध्यक्ष माधवकुमार नेपालको उपस्थितिमा अधिवेशन उद्घाटन गर्ने निर्णय गरेको हो।

यसअघि चैत २५ र २६ मा तय भएको अधिवेशन प्राविधिक कारण पाँच दिन सारिएको सचिव कृष्णकला पाण्डेले जानकारी दिइन्।

बैठक अध्यक्ष चित्रसिंह गाउँलेको अध्यक्षतामा संविधानसभा सदस्य तुलाराज बिष्ट,जिल्ला इन्चार्ज तुलाराज सिम्खाडा र प्रदेश सचिव धिरबहादुर बिष्टको विशेष उपस्थितिमा सम्पन्न भएको हो।

बैठकले चैत २३ गतेभित्र प्रतिनिधि छनोट सक्न निर्देशन दिएको छ। अधिवेशनलाई भव्य बनाउन उपसमिति गठन गरिएको छ। साथै, तुलाराज बिष्ट र पूर्व शिक्षक सिंहराज शाही लगायतलाई सम्मान गर्ने निर्णय भएको छ।

बैठकमा उपाध्यक्ष चन्द्रबहादुर शाही, सचिव कृष्णकला पाण्डे, उपसचिव अशोककुमार शाही, मनसिं धामी, धिरबहादुर शाही, प्रदेश सदस्य नवराज देवकोटा र उद्योग वाणिज्य संघ अध्यक्ष रतनबहादुर शाही सहभागी थिए।

बैठकले तीन महिने आन्दोलनका कार्यक्रम कार्यान्वयन गर्ने निर्णय समेत गरेको छ।