रुकुम/रुकुम पश्चिमको सानीभेरी गाउँपालिकाको अध्यक्ष र उपाध्यक्षमा माओवादी केन्द्रले विजय हासिल गरेको छ । सोमबार दिउँसो मतगणना सम्पन्न हुँदा अध्यक्षमा माओवादी केन्द्रका बिर्खबहादुर विष्ट र उपाध्यक्षमा कमला रोका पुन विजयी भएको निर्वाचन अधिकृतको कार्यालय सानीभेरीले जनाएको छ ।
अध्यक्षमा विष्टले ६०१९ मत प्राप्त गर्दै विजयी हुँदा उहाँका निकटतम प्रतिद्धवन्द्धी नेपाली कांग्रेसका उम्मेदवार गोरख प्रसाद चन्दले ४३२० मत प्राप्त गरेर पराजित हुनुभयो । विष्ट र चन्दको मतान्तर १६९९ रहेको छ ।
उपाध्यक्षमा निर्वाचित कमला रोकाले ५९५८ मत ल्याउदा उहाँका प्रतिद्धवन्द्धी नेकपा एमालेका प्रकाश खड्काले ३४४२ मत प्राप्त गर्नुभयो । उपाध्यक्षमा २५३८ मतको अन्तर रहेको छ ।
सानीभेरी गाउँपालिकाका ११ वटा वडामा दुई वटा वडा नेपाली कांग्रेसका उम्मेदवार निर्वाचित भएका छन भने बाँकी ९ वडामा माओवादी केन्द्रका उम्मेदवारहरु निर्वाचित भएका छन ।