जाजरकोटका दुइ युवा सल्यानको बालिकालाई बलात्कार गरेको आरोपमा पक्राउ परेका छन् ।
जाजरकोटको भेरी नगरपालिका १२ का २२ वर्षिय रमेश भण्डारी र सोही ठाउँका १९ वर्षिय डिल्ली बस्नेतलाई बिहिबार १४ बर्षिय बालिकालाई बलात्कार गरेको आरोपमा पक्राउ गरिएको जिल्ला प्रहरी कार्यालय सल्यानले जनाएको छ ।
प्रहरीले जिल्ला प्रहरी कार्यालय जाजरकोटसंगको समन्वयमा भण्डारी र बस्नेतलाई घरमा लुकिछिपी बसेको अवस्थामा पक्राउ गरेको हो । जिल्ला प्रहरी कार्यालय सल्यानका अनुसार अभियुक्तहरु उपर जबरजस्ती करणी मुद्धामा थप अनुसन्धान भइरहेको छ ।
दियो खबर । २४ असार २०७९, शुक्रबार १३:३२