मनिराज पाण्डे/अन्तर जिल्ला सुरक्षा बैठक मुगुको रारामा सम्पन्न भएको छ । बैठकमा कालिकोट, जुम्ला र मुगु जिल्लाका प्रमुख जिल्ला अधिकारी, जिल्ला सुरक्षा समितिका पदाधिकारीको सहभागिता रहेको कालिकोटका प्रमुख जिल्ला अधिकारी रामहरि शर्माले बताउनु भयो ।
बैठकमा शान्ति सुरक्षा, विपद व्यवस्थापन, जडिबुटी चोरी निकासी नियन्त्रण, कर्णाली राजमार्ग, कर्णाली कोरीडोर लगायतका अन्य सडकहरूको सहज यातायात आवागमन, अपराध अनुसन्धान लगायतका विषयमा छलफल भएको बताइएको छ । एक आपसमा सूचना आदान प्रदान गरि समन्वयात्मक रूपमा कार्य गर्न जुम्लाको खलंगा र मुगुको रारामा बैठक सम्पन्न भएको हो ।