कालिकोट /राष्ट्रिय प्रजातन्त्र दिवसको अवसरमा जिल्ला स्तरीय खुल्ला व्याटमिन्टन प्रतियोगिता सुरु भएको छ। सामाजिक विकास कार्यालय कालिकोटको आर्थिक सहयोग जिल्ला खेलकुद विकास समितिको आयोजना र जिल्ला व्याटमिन्टन संघ कालिकोटको समन्वयमा उद्घाटन भएको हो।
उदघाटन कार्यक्रमलाई सम्बोधन गर्दै प्रमुख अतिथि रामहरि शर्माले शारीरिक रुपमा स्वच्छ जीवन यापनका लागि खेल महत्वपूर्ण रहेको बताए ।
खेलकुद विकास समितिका अध्यक्ष गणेशबहादुर शाहीले खेलकुदको विकासका लागि खेलमैदान निमार्ण,खेलकुद प्रतियोगिता जस्ता कार्यक्रमहरु सञ्चालन गरिएको बताए । उनले प्रतियोगिताको सफलताको शुभकामना व्यक्त गरेका थिए ।
उदघाटन सत्रको सभा अध्यक्ष समाजिक विकास कार्यालयका प्रमुख शिवशंकर चौलागाईं,जिल्ला प्रमुख अधिकारी रामहरि शर्माको प्रमुख आतिथ्यता भलिबल संघका केन्द्रीय उपाध्यक्ष ऐन बहादुर शाही ,डिएसपी सिद्वराज न्यौपानेको विशेष आतिथ्यता,खेलकुद विकास समिति अध्यक्ष गणेश बहादुर शाही,खाँडाचक्र नगरपालिका प्रशासन प्रमुख अविराज शाही,जिल्ला व्याटमिन्ट संघका अध्यक्ष विरेन्द्र शाही ,पत्रकार,खेलाडीहरु रहेका थिए।उक्त कार्यक्रम जिल्ला खेलकुद विकास समिति सदस्य सचिव हरि बहादुर शाहीले गरेका थिए ।१३ वटा टिम रहेका छन् ।