कालिकोट /पलाँता गाउँपालिकाले २७औं जनयुद्ध दिवसको अवसरमा सहिद स्मृति कला साहित्य प्रतिष्ठान पलाँताको आयोजनामा चौथो निरा स्मृति कप-२०७८ को उद्घाटन भएको छ।उक्त कार्यक्रममा सहिद स्मृति कला साहित्य प्रतिष्ठानका अध्यक्ष पुर्णसिंह बमको सभाअध्यक्षता, पलाँता गाउँपालिका अध्यक्ष लक्ष्मण बहादुर बम(पलातिकान्छा)को प्रमुख आतिथ्यता,राष्ट्रिय भलिबल संघका केन्द्रीय उपाध्यक्ष एवं नेकपा माओवादी केन्द्रका प्रदेश कमिटी सदस्य ऐन बहादुर शाहीको विशेष आतिथ्यता,प्रदेश कमिटी सदस्य राजेस विक (अनन्त) पलाँता गाउँ कमिटी अध्यक्ष विष्णु रोकाया (इन्द्र )पार्टी सचीव लंक बहादुर बम, विभिन्न पार्टीका प्रतिनिधि, सुरक्षाकर्मी, पत्रकार लगायतको सहभागीता रहेको थियो।
कार्यक्रम लाई सम्बोधन गर्दै अध्यक्ष बमले जनयुद्धका हरेक मोर्चा सामना गर्ने बिरयोद्धा,घाईते,अपांगहरुको सपना पुरा गर्ने बताए ।जनयुद्धको महत्वपूर्ण युद्ध मोर्चामा मृत्यु हुने सहिदको सम्मझनामा गाउँपालिकाले यो कार्यक्रमको आयोजना गरेको थियो।सहिद परिवार, घाइते, सहयोध्दा, उत्कृष्ट जनप्रतिनिधि, विभिन्न शाखाका उत्कृष्ट कर्मचारी, शिक्षक, खेलाडीहरु, लगाएतलाई गाउँपालिकाले सम्मान समेत गरेको अध्यक्ष बमले बताए ।