कालिकोट/खाँडाचक्र नगरपालिका वडा-१ स्थित हिमचुलि कृषि सहकारी संस्था लि.को छतबाट खसेर एक जनाको मृत्यु भएको छ ।
महावै गाउँपालिका वडा-६ गणेशकोट निवासी ३५ वर्षीय सिंहवहादुर शाही निमाणधिन भवनको छतबाट खसेपछि गम्भीर घाईते भएका थिए । गम्भीर घाईत शाहीलाई जिल्ला अस्पताल पुुर्याउदा डाक्टरले मृत घोषित गरेको जिल्ला प्रहरी कार्यालय कालिकोट का प्रहरी निरीक्षक भुपेन्द्र शाहीले बताए ।
अत्यन्तै मिलनसार शाही विगत सात बर्षदेखि सहकारिमा आवद्ध रहेको र उहाको निधनबाट सस्थालाई अपुरणिय क्षति पुगेको सस्थाका प्रवन्धक जगेन्द्र आचार्यले वताउनु भएको छ।हिमचुली कृषि सहकारी संस्था लि.का सहायक ब्यबस्थापक शाहीको दु:खद निधनले कालिकोट बासी नै सोकमा परेका छन्।