कालिकोट /नेपाल कम्युनिस्ट पार्टी एकीकृत समाजवादी निकट अनेरास्ववियू रुकुम पश्चिमको जिल्ला स्तरीय अगुवा कार्यकर्ता भेला तथा प्रशिक्षण कार्यक्रम सम्पन्न भएको छ ।
रुकुम पश्चिम जिल्ला सदरमुकाम मुसिकोटमा सम्पन्न भएको उक्त कार्यक्रममा १३०भन्दा बढी विद्यार्थीहरु सहभागी भएका थिए।अनेरास्ववियू जिल्ला अध्यक्ष हुकुम वि सिको अध्यक्षता,अनेरास्ववियूका केन्द्रिय महासचिव आरती लामाको प्रमुख आतिथ्यता,नेकपा एकीकृत समाजवादीका केन्द्रिय सदस्य एवं जिल्ला अध्यक्ष बिमल कुमार पुनको विशेष आतिथ्यता रहेको थियो ।
यस्तै युवा संघ दाङका अध्यक्ष प्रेम बुढा अनेरास्ववियूका पुर्व जिल्ला अध्यक्ष धनराज खड्का,सिताराम देबकोटा लगायतको आतिथ्यता रहेको कार्यक्रमको संचालन जिल्ला उपाध्यक्ष भावना शर्माले गर्नु भएको थियो भने स्वागत मन्तव्य कोषाध्यक्ष रमेश मल्लले गरेका हुन् ।