कालीकोट/तिलागुफा नगरपालिका ४ मा हुने स्थानीय तह उपनिर्वाचनमा वडा अध्यक्ष पदका लागि ६ दलको उम्मेदवारी परेको छ । आइतबार मुख्य निर्वाचन अधिकृतको कार्यालयमा पुगेर दलहरुले आफ्ना उम्मेदवार घोषणा गरेका छन् । नेकपा एमालेबाट ऐन बहादुर शाही, नेपाल मजदुर किसान पाटीबाट खड्कराज शाही, राष्ट्रिय स्वतन्त्र पाटीबाट गगन बम, राष्ट्रिय प्रजातन्त्र पाटीबाट गोगन बहादुर शाही, नेकपा माओवादी केन्द्रबाट नैशोभा शाही र नेपाली काँग्रेसबाट पैल बहादुर शाहीको उम्मेदवारी दर्ता भएको छ ।

२०७४ सालको स्थानीय तह निर्वाचनमा खड्कराज शाही वडा अध्यक्षमा बिजयी भइ एक कार्यकाल बडाअध्यक्ष चलाएका उम्मेदवार हुन् । नैशोभा शाही पहिरोमा परि बेपत्ता भएका वडा अध्यक्ष परबहादुर शाहीको श्रीमती हुन् । २०७९ असोज २३ गते आइतबार गएको पहिरोमा परी परबहादुर शाही सहित मलामी गएका १३ जना बेपत्ता भएका थिए ।