रुकुम पश्चिम / रुकुम पश्चिममा डोजर दुर्घटनामा परी अपरेटरको मृत्यु भएको छ । मुसीकोट नगरपालिका २ नम्बर वडाको राउखेतमा डोजर दुर्घटनामा परी अपरेटर ६० वर्षीय मानबहादुर प्याकुरेलको मृत्यु भएको प्रहरीले जनाएको छ ।

सोमबार बेलुकी सडक मर्मत गर्ने क्रममा परी घाइते प्याकुरेलको उपचारका क्रममा मृत्यु भएको हो । घाइते भएपछि उपचारका लागि जिल्ला अस्पताल लगिएको थियो । कास्की पोखरा निवासी अपरेटर प्याकुरेल लामो समयदेखि रुकुम पश्चिममा काम गर्दै आउनुभएको थियो ।