सुर्खेत/कालिकोट जिल्लाको प्रसिद्ध धार्मिक पर्यटकीय स्थल महाबु लेखमा लाग्ने शिवजी मेलाको पूर्व सन्ध्यामा कालिकोट महाबै गाउँपालिका र दैलेख नारायण नगरपालिका, नौमुले गाउँपालिका र महाबु गाउँपालिकाले भक्तालुहरुको सजिलोको लागि संयुक्तरुपमा सडक मर्मत  गर्ने भएका छन् ।
कालिकोट महाबै गाउँपालिका अध्यक्ष खेम बहादुर सिंह( भिजन)ले  बिहीबार दैलेख नारायण नगरपालिका नगर- प्रमुख , नौमुले गाउँपालिका र महाबु गाउँपालिका अध्यक्ष द्वय सँग भेट गरी  आफ्नो आफ्नो क्षेत्रको भाग परेको सडकलाई बनाउने सहमती भएको जानकारी दिए ।
अध्यक्ष सिंहका अनुसार नगरक्षेत्र दैलेख बजार देखि ओखडबास सम्म नारायण नगरपालिका दैलेख, ओखडबास देखि महाबु लेख सम्म नौमुले गाउँपालिका र महाबु गाउँपालिका दैलेख र महाबु देखी सिम्खेत सम्म महाबै गाउँपालिका कालिकोटले सडक बनाउने गरी सहमति भएको अध्यक्ष सिंहले बताए ।
मेला यहि साउन २६ गते महाबु लेखमा लाग्ने भएको छ ।