काठमाडौं/महिला हिंसा बिरुद्ध लड्ने क्रममा सहादत प्राप्त महिला सहिदहरुको सम्झनामा’दिप प्रज्वलन’गरिएको छ ।रुकुम जिल्लाको मुसिकोट नगरपालिका वडा-१ खलंगाको कालिकाथानमा सोमबार बेलुका महिला सहिदहरुको सम्झनामा दिप प्रज्वलन गरिएको छ।
महिला हिंसा बिरुद्धको १६ दिने अभियानकै क्रममा आज बेलुका दिप प्रज्वलन गरेर महिला सहिदहरु लाई सम्मान र सम्झना गरिएको अन्तर पार्टी महिला सञ्जाल रुकुम पश्चिमकी सदस्य भावना शर्माले बताइन्।
जिल्ला समन्वय समिति, अन्तर पार्टी महिला सञ्जाल,ओरेक नेपाल,इन्सेक,जिल्ला प्रहरी कार्यालय,महिला मानव अधिकार रक्षक संजाल लगायतको संयुक्त आयोजनामा कार्यक्रम गरिएको हो ।
कार्यक्रममा जिल्ला समन्वय समिति रुकुम पश्चिमका उप-प्रमुख इन्दिरा बिएम,महिला अधिकारकर्मीहरुको सहभागीतामा सम्पन्न भएको हो
आज महिला हिंसा बिरुद्धको १६ दिने अभियान अन्तरगतको १२ औ दिन हो ।
तुलराज पाण्डे । २० मंसिर २०७८, सोमबार २०:३८