सुरेश शाही/कालीकोटमा जीप दुर्घटना हुँदा ३ जनाको मृत्यु भएको छ । गएराति १२: ३० बजे जिल्लाको शुभकालिका गाँउपालिका–६ गबिरा बेहुली पान्तडी सडकखण्डमा चौकी बजारदेखि हाउँडीतर्फ जाँदै गरेको लु १ च ८४९८ नम्बरको बोलेरो जीप दुर्घटना भएको जिल्ला प्रहरी कार्यालय कालीकोटका प्रहरी नायव उपरीक्षक प्रमुख डिएसपी जयश्वर रिमालले जानकारी दिए ।
उनका अनुसार दुर्घटनामा शुभकालिका गाँउपालिका– २ भर्ताका ३० वर्षका गाडी चालक हर्के कामी, वडा -८ का ३१ वर्षीय रामबहादुर शाही र दैलेख जिल्ला नौमुले घर भएका २५ वर्षीय गोपाल सलामी मगरको मृत्यु भएको हो ।