रुकुम पश्चिम /  रुकुम पश्चिममा कृषि मेला प्रदर्शनी सुरु भएको छ । आज जिल्लाको मुसीकोट नगरपालिकामा नगरपालिका स्तरिय कृषि मेला प्रदर्शनी सुरु भएको हो ।

कृषि विकास कार्यलयको आयोजनामा कार्यक्रम सुरु भएको कृषि विकास कार्यलयका निमित्त कार्यालय प्रमुख मिनबहादुर केसीले जानकारी दिनुभयो । उहाँका अनुसार प्रदर्शनीको आज एक कार्यक्रमका बिच कर्णाली प्रदेश सभा सदस्य महेन्द्र केसीले उद्घाटन गर्नुभयो ।

नगरपालिका भित्रका कृषकहरुले विभिन्न कृषि जन्य उत्पादन र कृषि जन्य उपकरणहरु प्रर्दशनीका राखेको कृषि विकास कार्यलयका निमित्त कार्यालय प्रमुख केसीले बताउनुभयो ।

निर्वाहमुखी कृषिबाट व्यावसायिक कृषि पेशामा लाग्न उत्प्रेरित गर्ने र कृषि पेशालाई प्रवर्द्धन गर्न उद्देश्यले मेला प्रदर्शनी कार्यक्रम राखिएको हो ।