कालिकोट / मान्ममा सामुदायिक रेडियो साझा आवाज संचालनमा आएको छ ।चालझरना राष्ट्रिय विकास समाजद्वारा संचालित सामुदायिक रेडियो साझा आवाज ९०।९ मेगाहर्ज शुक्रबार मान्ममा जिल्ला समन्वय समितिका प्रमुख धनजित शाहीले औपचारिक रूपमा उद्घाटन गर्नु भएको हो ।
कालिकोटको मान्ममा ५ वटा सामुदायिक रेडियो संगै स्थानीय सरकारले संचालन गरेका ५ सहित जम्मा अब कालिकोटमा ११ वटा रेडियो भएका छन् ।
प्रमुख अतिथि लगायतका सहभागीले जस्तो नाम साँझा छ उस्तै साँझा रूपमा सुचना तथा सन्देश प्रवाह गर्न आग्रह गरेका थिए ।रेडियोका संचालक बिनोद खड्का,युवराज थापा र वसन्त शाही रहेका छन् ।

उद्घाटनकार्यक्रम पचालझरना राष्ट्रिय विकास समितिका संचालक निलो तिरूवाको अध्यक्षता, जिल्ला समन्वय समितिमा प्रमुख धनजित शाहीको प्रमुख आतिथ्यता, खाँडाचक्र नगरपालिका उपप्रमुख गणेश शाही, प्रमुख जिल्ला अधिकारी रामहरी शर्माको विशेष आतिथ्यता वडा नम्बर १ र ४ का वडाध्यक्ष धर्मराज ताम्राकार प्रभानन्द आचार्य लगायतका सरोकारवालाहरूको कार्यक्रममा सहभागीता रहेको थियो ।
कार्यक्रमको संचालन रेडियोका स्टेशन म्यानेजर किरण अधिकारीले गरेका थिए ।