सुर्खेत /अविरल वर्षाको कारण कालिकोट जिल्लाको एसमोड र हुल्ममा पहिरो आउँदा बुधबार रातिदेखि आएको अविरल वर्षाको कारण राजमार्ग पुर्णरुपमा अवरुद्ध  भएको सडक डिभिजन कार्यालय जुम्लाका सुचना अधिकारी वीर बहादुर जिटीले जानकारी दिए।

विशेषगरी वर्षाले कर्णाली राजमार्गअन्तर्गत खाँडाचक्र नगरपालिका -२ जितेगडा ,कालेखोला ,शुभकालिका गाउँपालिका -१  खण्डको गगनेखोला ,एसमोड ,दहीखोलमा वारम्वार पहिरो जाने गरेको छ। यी जोखिम ठाउँहरुमा सडकको स्तरउन्नती सम्बन्धि निकायको ध्यान जान नसक्दा बर्षोदेखि कर्णालीका आम नागरिकले दुख पाउने गरेका छन्।

सडक बन्द हुँदा जुम्ला,मुगुबाट सुर्खेत,नेपालगन्ज र काठमाडौ जाने सवारीसाधन बिच बाटोमा रोकिदा सयौं यात्रुहरू अलपत्रमा परेका छन्।