🇳🇵 कालिकोट जिल्लामा देखिएको शासकीय बेथितिका सम्बन्धमा प्रेस वक्तव्य 🇳🇵

घोर भर्त्सना एवं ध्यानाकर्षण

हालै कालिकोट जिल्लास्थित सरकारी कार्यालयमा सेवाग्राही (ग्राहक) माथि कर्मचारीहरूद्वारा गरिएको अमानवीय व्यवहार र दुर्वचनीकरणको घटनाप्रति म घोर भर्त्सना गर्दछु। विशाल ‘जेन-जी’ (Gen-Z) आन्दोलनपश्चात् पनि सरकारी सेवा प्रवाहमा यस्तो गैरजिम्मेवार र आपत्तिजनक व्यवहार कदापि सह्य हुन सक्दैन। अब आउने दिनहरूमा यस्ता शासकीय बेथितिहरूलाई छुट दिइने छैन भन्ने कुरा सबैमा स्पष्ट हुनुपर्दछ।

म सम्पूर्ण सरकारी कर्मचारीहरूलाई जनताप्रति विनम्र, सम्मानजनक तथा जिम्मेवार व्यवहार गर्नका लागि हार्दिक अनुरोध गर्दछु।

कार्यालय सञ्चालन र अनुगमनमा देखिएको कमजोरी

यसका अतिरिक्त, विभिन्न सरकारी कार्यालयहरूमा कर्मचारी अनुपस्थित रहेको र कतिपय अवस्थामा कार्यालय प्रमुख स्वयंले समेत बिना बिरामी बिदा अस्पताल गएको जस्ता गम्भीर सूचनाहरू प्राप्त भएका छन्। साथै, केही विद्यालयहरूमा शिक्षकहरू बिना बिदा अनुपस्थित रहेको भन्ने गुनासोहरू पनि प्रकाशमा आएका छन्।

• सम्पूर्ण प्रधानाध्यापकहरू लाई विद्यार्थी र शिक्षकहरूमाझ कडा अनुशासन लागू गर्न विशेष अनुरोध गर्दछु।

• यस विषयमा जिल्ला शिक्षा अधिकारी (जिशिअ) लाई सुक्ष्म रूपमा निरीक्षण, अनुगमन र क्रसचेक संयन्त्र (Cross-Check Mechanism) अविलम्ब अपनाउन आवश्यक छ। स्वयं जिल्ला शिक्षा अधिकारीले नियमित रूपमा क्षेत्र भ्रमण (Field Visits) गर्ने परिपाटीलाई कडाइका साथ लागू गर्नुपर्दछ।

जनप्रतिनिधिमूलक दायित्व

स्वयं संसद सदस्य निर्वाचनकोअपेक्षित उम्मेदवार भएको नाताले, व्यवस्थामा रहेका कमीकमजोरीहरूलाई उजागर गर्नु र महान कार्यहरूका लागि सबैलाई प्रेरित गर्नु मेरो परम कर्तव्य हो। मलाई पूर्ण विश्वास छ, यहाँहरू सबैले यस ध्यानाकर्षणलाई सकारात्मक रूपमा लिई सुशासन, समृद्धि, शान्त र सभ्य कालिकोट निर्माण गर्ने यस अभियानमा सशक्त सहयोग गर्नुहुनेछ।

धन्यवाद!

ई. तुलसी शाही